Nordre Sunnmøre skal vere ein attraktiv stad å bu og arbeide

Om oss

På Nordre Sunnmøre skal du finne eit allsidig næringsliv flust av kompetanse og skaparkraft, som hevdar seg på internasjonalt nivå. For å klare dette, må vi skape eit miljø der det lokale næringslivet får utvikle seg og tiltrekke oss nødvendig kompetanse og arbeidskraft.

Derfor vart Nordre Innovasjonsforum oppretta i 2025. I dag representerer vi eit bredt spekter av næringsliv i heile Haram og tidlegare Sandøy kommune.

Bli medlem

Prosjekta våre

I samarbeid med Haram kommune har vi inngått eit treårig prosjekt for å betre omdømme, skape bulyst og bidra til rekruttering i regionen vår. Vi har tilsett ein prosjektleiar som arbeider med prosjektet frå januar 2026 til desember 2028.
Å skape møteplassar er ein viktig del av næringsutviklinga i regionen. Det er når bedriftsleiarar og lokalbefolkning samlast vi verkeleg kan lære av kvarandre og gode idéar vert til. Møteplassane våre inkluderer både næringspubar og frukostmøter som er opne for alle, og eigne møter for medlemmene i innovasjonsforumet.
Sjå kommande og tidlegare arrangement →.
Hurtigbåtruta mellom Hamnsundet, Store Kalvøy og Ålesund er ein viktig del av samferdsel inn og ut av området vårt både for arbeidsplassar og skular. Samtidig er ruta med på å avgrense biltrafikken i Brusdalen og på Ellingsøya. Vi arbeider derfor kontinuerleg med å behalde eit godt rutetilbod for Hamnsundruta.
Nordre Innovasjonsforum er hovudarrangør av Haramskonferansen som arrangerast i februar kvart år. Haramskonferansen har lenge vore ein av dei viktigaste møteplassane for næringsliv på Nordre Sunnmøre.

Hovudoppgåva vår er å utvikle næringslivet på Nordre Sunnmøre. Alle prosjekta vi jobbar med er med på å styrke samarbeidet mellom næringsliv, kommune og utdanningsinstitusjonar, skape nye idéar og utvikle lokalsamfunnet.

Styret i Nordre Innovasjonsforum